Speech of President Arroyo during the Centennial Celebration of the founding of the Iglesia Filipina Independiente (Aglipay Church)

Speech
of
Her Excellency Gloria Macapagal-Arroyo
President of the Philippines
During the Centennial Celebration of the founding of the Iglesia Filipina Independiente (Aglipay Church)

[Delivered at the Quirino Grandstand, Luneta, August 3, 2002]

Maraming salamat, Supreme Bishop Villamena at sabi ko nga sa kanya salamat at kayo ay naghintay sa akin. Kakaiwan ko lang sa Malacañang, nandoon pa nga, si Secretary of State Collin Powell, pero kailangan, nag-apura na nga ako, dahil ayoko na kayo naman ay iwanan ako baka umuwi na kayo.

Bishop Godofredo David; Senate President Franklin Drilon; ating mga officials ng Iglesia Filipina Independiente; Fr. Domingo, Secretary General ng National Priest Organization; Ms. Eclipse, National President ng Women Members ng kongregasyon; Mr. Pico, ang National President ng Laymen; Ms. Agustin, ang National President ng Youth Members ng Congregation; ang isang napakamatinong kaanak ni Supreme Bishop Aglipay, si Police Deputy Director General Edgardo Aglipay; Chairman ng MMDA Bayani Fernando; Governor Yap ng Tarlac. Nandito ba si Sally Perez? Ayan. Si Sally Perez ho ang unang nagpakilala sa akin kay Bishop Villamena noong ako ay senador pa. Former Prime Minister Cesar Virata; Commissioner ng Insurance Eduardo malinis; Chairperson ng National Lay Council Dr. Elavasco; at ang aking Presidential Adviser for Religious Affairs Dodi Limcauco; at kayong lahat, mga apatnapung libong mga kasapi ng Iglesia Filipina Independiente na naririto sa ating Centennial Anniversary:

Kahapon po noong ako ay papunta sa Pampanga dahil meron akong namatay na tiyang malapit, papunta ho ako doon nakita kong ang dami-daming bus papunta rito sa Maynila. Ang nakalagay nga doon, nakatatak sa streamer, “Iglesia Filipina Independiente.” Sabi ko, hayan na ang 40,000.

Kaya kayong lahat, binabati ko, magandang umaga. At binabati ko kayong lahat sa sentenaryong anibersaryo ng pagkakatatag ng Iglesia Filipina Independiente.

Napakalaki ang kontribusyon ng Iglesia Filipina Independiente sa ating kasaysayan. One hundred years ago, 1902, kayo ay nagpahayag ng kasarinlan sa ating pagsasamba sa Panginoon. Binigay ninyo ang ating pagsasamba ng kasarinlan na bagay sa ating kasarinlan mula sa dayuhang pamamahala. At kayo rin ang nagsimula ng kilusang manggagawa sa ating lipunan. Itong pagtatag ninyo ng kilusang manggagawa ay nagpahayag rin na ang ating kasarinlan di lamang bilang kalayaan mula sa pamamahalang dayuhan, kundi na rin na dapat malaya ang Pilipino sa pag-aapi ng sariling mga makapangyarihang pilipino rin.

Kaya maraming salamat sa iyong mahalagang papel sa ating kasaysayan, at congratulations sa inyong lahat.

Isang tanging pagpabati rin ang ipinapaabot ko sa mga pinagkalooban ng plaque of recognition at certificate of appreciation dahil sa kanilang napakagandang serbisyo at nagawa para sa inyong simbahan at sa ating lipunan.

Binabati ko rin si Dr. Manalo vao na sumulat ng librong “Christianity, Folk Religion and Revolution (An Oppressed Nation’s Struggle for Liberation)” na inilunsad ngayon. Ang librong ito ay paraan upang lalong maintindihan ng ating mga kababayan ang mga prinsipyo at mithiin na nagpaalab sa damdamin ng inyong founder na si Bishop Gregorio Aglipay at ang dakilang Isabelo De los Reyes.

Gaya ng sabi ko kanina, si Bishop Gregorio Aglipay ay nag-iwan hindi lamang ng malawak na kontribusyon sa ating kasaysayan, hindi lang mga kasapi kagaya ninyo na malawak pa rin ang kontribusyon sa ating lipunan ngayon, nag-iwan pa ng mga kaanak na malaki rin ang kontribusyon sa ating katiwasayan. Ito na rin ang sinasabi ko isa mga pinakamahalagang pulis sa ating bansa, aking mahalagang gabay sa trabaho, si Police Deputy Director Edgardo Aglipay. Maraming salamat, Egay, salamat sa iyong malaking ginagawa para sa katiwasayan ng ating bansa at ng aking pamamahala. Congratulations sa iyong magandang trabaho.

Ang tema ng ating selebrasyon, “Bagong Siglo, Panibagong Sigla sa Paglilingkod sa Diyos at sa Bayan” ay napapanahon nababagay rin ito sa aking hangarin sa mga araw na ito na bigyan ng bagong sigla ang katatagan ng republika ng Pilipinas — yun na ring republika na tinulungan na mabuo ni bishop aglipay noong tinayo niya yung Iglesia Filipina Independiente.

Sinabi ko sa aking State of the Nation Address noong Hulyo Abeinte Dos na ang matatag na Republikang Pilipinas ay may dalawang importanteng katangian:

Una, kinakatawan nito ang sambayanan mismo at hindi lamang ilang may kapangyarihan;

Pangalawa, may mga matatag na institusyon na nagpapairal sa mabubuting patakaran.

Bahagi sa mga matatag na institusyon na tumutulong sa matatag na republikang Pilipinas ay ang institusyon ng Iglesia Filipina Independiente.

Kaya kung noon ang inyong simbahan ay malaking kontribusyon sa unang pagtayo ng republika, malaki rin ang inyong kontribusyon sa pagpapatatag ng republikang ito sa mga araw ng ito. Sa dalawang importanteng katangian ng matatag na republika meron kayong kontribusyon.

To build strong institutions for a strong Philippine republic that will represent the people rather than a few vested interests, we must wage a moral revolution from the top through leadership by example. Only moral strength can be the invincible foundation of good governance; and only good governance can serve as the pathway to peace, justice and the conquest of poverty.

When I assumed the presidency last year, I committed to the achievement of good governance based on three pillars:

First, a moral foundation to guide leadership at all levels, at itong moral foundation na ito malaking tulong ang Iglesia Filipina Independiente.

Second, the assurance of transparency in all government actions. At nakita naman ninyo ang daming mga high officials na nandito nagbibigay ng galang sa inyong simbahan, sa inyong selebrasyon, siguro sa ngalan nila — nila Franklin Drilon, nila Governor Yap at Governor Zaldivar, ni Chairman Fernando at ibang kasapi ng aking gabinete, si General Aglipay at ilang mga kasapi ng pulis. Siguro sa kanilang pangalan puwede akong magsabi sa inyo na kami ay nagbibigay-galang sa inyong simbahan hindi lamang sa pamamagitan ng pagpunta dito kundi na rin na magbigay ng inaasahan ninyong transparency sa pagkikilos ng ating pamahalaan.

And the third principle of good governance is an ethic of effective implementation throughout the bureaucracy. Halimbawa, naririnig ko dalawang buwan pa lang raw si Bayani Fernando, Chairman ng MMDA, ang dami nang nalinis na mga sidewalk at traffic na naiwasan — ethic of effective implementation.

At inyong pamangkin at anak na si Egay Aglipay, alam niyo kilala ko yan noon pa senador, siya ang Regional Director ng Region III. Naalala mo egay doon sa Pampanga? Noon pa meron na siyang ethic of effective implementation.

At si Senate President Franklin Drilon, totoo yun na may mga alitan sa senado ngayon ngunit salamat sa liderato ni Franklin Drilon ay nasasagip pa rin ang reputasyon ng senado at ng ating institusyon.

Simula nang ako ay naupo bilang pangulo ng ating bansa, palagi kong sinasabi na kailangan na maging matibay ang ating moralidad upang ito’y magsilbing pundasyon ng matapat na pamamahala. Naniniwala rin ako na ang matapat na pamamahala ang tamang daan patungo sa kapayapaan, katarungan, pagsugpo sa kahirapan.

Ang kabaligtaran naman nito — yung graft and corruption — ang isa sa mga pangunahing hadlang sa ating pag-unlad. Inaagaw nito ang mga resources na dapat mapunta sa ating priority programs at projects. Sinisira nito ang tiwala ng mga mamamayan sa integridad ng ating mga institusyon, at nilalayo ang damdamin ng sambayanan sa pamahalaan.

Ang isa sa mga paraan para labanan ang katiwalian ay ang pagbawas ng red tape sa mga transaksiyon ng mga mamamayan sa mga ahensiya ng pamahalaan.

Nitong nagdaang taon, labindalawang departamento at labinsiyam na ahensiya ng gobyerno ay nagpabawas ng kanilang red tape, nagbawas ng oras sa pag-proseso ng dokumento sa kanilang mga opisina.

Halimbawa doon sa housing, ang processing time ng pagkuha ng permit na dati ay inaabot 188 days, ngayon 45 days na lamang. Ay, hindi days, signature — 188 signatures dalawang taon, ngayon 45 signatures anim na buwan na lamang at binabawasan pa.

Ang DOLE naman — siguro marami sa inyo ay nagtatrabaho sa ibang bansa. Red tape din ang aabutan noong ako’y naging pangulo. Kaya ang dole naman ay naibaba sa kalahati ang pag-proseso ng dokumentasyon sa ating overseas Filipino workers. Noong araw, anim na oras ang hinihintay, ngayon para doon sa mga land-based overseas filipino workers tatlong oras na lamang; at para naman doon sa mga ating mga seamen, noong araw labindalawang oras kayo naghihintay sa papeles, ngayon ay anim na oras lamang. Sa madaling salita, hinati yung processing time ng mga papeles para mabawasan ang red tape.

Meron din mga opisina na gumagamit ng computerization at automation, lalo na sa pagbili ng equipment. Itong mga bagay na ito ay pinapadali ang inyong oras na kailangang makipag-ugnay sa gobyerno, binabawasan din ang graft and corruption.

Hoong ako ay nagsalita sa State of the Nation Address, sabi ko lalabanan natin yung problema ng kriminalidad, yung problema ng corruption, yung problema ng cost of power. Eh, siguro naman marami sa inyo naramdaman na ninyo na dalawang beses nang bumaba yung inyong electric bill dahil sa pagsisikap ng ating pamahalaan.

At itong mga araw na ito nilalabanan natin ang katiwalian. Yung mga nagdadaya ng buwis, pagbayad ng VAT, tatlong daan ay kinakasuhan natin ngayon. Yung namang binabayaran ang buwis yun pala yung supposed to be tatanggap ng kanilang bayad sangay ng BIR ay nagsasabwatan at nilalagay sa private account, yun din ay hinuhuli na natin — mga malalaking sindikato ito — para sa ganon kayo, yung binibili ninyo na gamit sa kanila na bahagi ay buwis at dapat pumupunta sa pamahalaan para magserbisyo para sa inyo ay pupunta sa pamahalaan at talagang magbibigay ng paglilingkod sa inyong lahat.

Ito po ang ginagawa natin para maging malinis ang ating pamamahala. At kailangang malinis ang ating pamamahala para masabi naman natin na ang ating pamahalaan ay sumasang-ayon at karapat-dapat na maging pamahalaan kung saan naka-celebrate tayo ng 100 years anniversary ng mga prinsipyo ni Gregorio Aglipay at ang Iglesia Filipina Independiente.

Muli, mga kaibigan, salamat sa pagkakataon na narito. Tumataas na masyado ang araw, ayokong masyadong umitim kayo. Alam ko na kayo ay nagbiyahe kahapon pa at pagkatapos nagsasama-sama, nagse-celebrate, tapos uuwi na naman muli para sa inyong araw-araw na paggamit ng mga magagandang prinsipyo ng simbahang Iglesia Filipina Independiente, ang masasabi ko lamang sa inyo salamat at kayo ay napakamatinong mga mamamayan ng ating bansa. Salamat at nagbibigay kayo ng inspirasyon sa aming mga officials na maging matino ring officials para karapat-dapat na kami ay masasabi ninyong inyong kinatawan.

Maraming salamat at happy 100 years anniversary sa inyong lahat.

Source: www.op.gov.ph

Macapagal-Arroyo, G. (2002). PGMA’s Speech during the Centennial Celebration of the Founding of the Iglesia Filipina Independiente (Aglipay Church). Retrieved from https://web.archive.org/web/20100412223029/http://www.op.gov.ph/index.php?option=com_content&task=view&id=8379&Itemid=38